Rayraşîyayîşê Azadîye yo ke hetê ciwananê kurdan û enternasyonalîstan ra semedê azadîya fîzîkîye ya Rayberê Şarê Kurdî Abdullah Ocalanî ame organîzekerdene,  roja 2. de yo.

Ciwananê kurdan û enternasyonalîstan seba azadîya Rayberê Şarê Kurdî Abdullah Ocalanî  'Ciwananê rêxistinbîyayeyan reyde ver bi azadîya Rayberîye' şaristanê Dortmundî yê Almanya ra 'Rayraşîyayîşê Azadîye' dabi destpêkerdene

Roja verêne ya rayraşîyayîşî de ciwanî  Dortmundî ra ver bi Bochumî rayra şîyî.

Roja 2. ya çalakîye de zî ciwanî Bochumî ra ver Essenî kewtî rayîr. Ciwanê ke bi slogana  Bijî Serok Apo" rayra şinê do şan Merkezê Komelê Demokratîkî yê Essenî de bêrê têhet. Ciwanî do derheqê rewşa tecrîdê serê Rayberê Şarê Kurdî Abdullah Ocalanî de qisey bikerê.

Ciwanî do roja 3. de Oberhausenî ra heta Duisburgî, roja 4. De Neussî ra heta Dusseldorfî rayra şirê. Roja 5. de , 8ê êlule de do Kolnî ra hetê merkezê Mulheimî rayra şirê û tîya rayraşîyayîşê xo biqedînê.