'Rayraşîyayîşê Îradeyî rê Hurmet'î yo ke DEM Partî vera destsernayîşê Şaredarîya Colemêrgî da desptêkerdene, qezaya Elbakî ya Wanî de dewam keno. Çalakwanan Tesîsanê Arisyayîşî yê Ova de eşkerayîye daye.

Parlamenterê Wanî  Zulkuf Uçarî vat: Şexsê Hemşaredarê ma yê Colemêrgî Siddik Akişî de îradeyê şarê kurdî ame xespkerdene û darbe ameye kerdene. Seserrî yo îrade, estbîyayîş û statu û tewr peynî de heqê weçînayîş û weçînitişî destê ci ra yeno girewtene. No rayraşîyayîş vera qeyûman û tecrîdê serê Birêz Abdullah Ocalanî yo. Heta ke heq û huqûq bêrê welatî, kurdî statuyê xo bifînê dest û bi ziwanê dayîke qanûnê bingeyî de bêro naskerdene, têkoşînê ma do dewam bikero.

Badê eşkerayîye de raywanî ver bi Elbakî kewtî rayîr. Rayraşîyayîş de sloganê sey “Bijî Serok Apo” ameyî vatene.