'Rayraşîyayîşê Îradeyî rê Hurmet'î yo ke DEM Partî vera destsernayîşê Şaredarîya Colemêrgî da desptêkerdene, qezaya Payîzava ya Wanî de dewam kerd. Çalakwanan deweka Tekmala Şêx Safîyeddînî de eşkerayîye daye.

Parlamentera DEM Partî Salîha Aydenîz ard ziwan ke ê semedê îradeyê Colemêrgî û îradeyê şaran rayra şinê û vat: ''Ma semedê ameyoxê şarê kurdî û şaranê Tirkîya rayra şinê.Îqtîdarê AKP-MHPyî îradeyê şarî nas nêkeno.No rayraşîyayîş semedê heme şaran yew firset o.Ganî qerarê qeyûmî peyser bêro girewtene. Heta ke ê qerarê xo ra peyser bierzî ma do têkoşînê xo bidomnê. Heta ke îradeyê şarî nêro naskerdene nê krîzî nînê çareserkerdene.  Qeyûm darbe ya. Şarê kurdî û dostê ci vera na darbe rayra şinê. Eke na darbe wina dewam bikero, welat beno zîndano akerde.  Ma têna vera qeyûmî nê vera tecrîdê serê Birêz Ocalanî zî reyra şinê.Semedê ameyoxê nê welatî ganî Birêz Ocalan bêro azadkerdene. Heta ke nê polîtîkayî bîqedîyê ma têkoşînî rê dewam bikerê. Wa muxalefet zî bizano rayîrê demokrasî Colemêrgî ra, azadîya Birêz Ocalanî ra ravîyareno.''