'Rayraşîyayîşê Îradeyî rê Hurmet'î yo ke DEM Partî vera destsernayîşê Şaredarîya Colemêrgî da desptêkerdene roja 5ine de dewam keno.

Parlamenterî, hemşaredarî û temsîlkarê rêxistina komelê  sîvîlî zî tede 350 kesî tewrê rayraşîyayîşî benê. Raywananê Colemêrgî yê ke şewe qezaya Payîzava ya Wanî de mendî, serê sibayî ver bi dewa Xoşebî kewtî rayîr.

Raywanî rayîr de marşê “Gever e Gever e”, “Çerxa Şoreşê”  û sloganê sey “Bijî Berxwedana Colemêrgê” vatî. Wesayîtan zî bi cinayîşê qorna paştî daye çalakwanan. Raywanî ge ge arîsyayî û bi deyîran govende girewte. Rayrawanê Colemêrgî bi cinayîşê erbaneyan û vatişê deyîran rayîrê xo rê dewam kenê.