''Rayraşîyayîşê Îradeyî rê Hurmet''î yo ke DEM Partî vera destsernayîşê Şaredarîya Colemêrgî da desptêkerdene dewam keno.Rayraşîyayîşê ke Marmara û Eger a dest pêkerd û Anqara, Adana,  Êlih û Amedî serî ra resa Wan. Na çarçewa de Wanî ra ver bi rayraşîyayîşê 6 rojan dîya destpêkerdene.

Verê rayraşîyayîşî Parka Musa Anterî de eşkerayîye ameye dayene. Hemserekê Pêroyî yê DEM Partî Tuncer Bakirhanî xeylêk parlamenterî, hemşaredarî û temsîlkarê rêxistina komelê  sîvlî tewrê ci bîyî.

Çalakwananê ke onlugê îradeyî rê hurmet kerdî piray pankart û dovîzê sey ''Heviya cîhanê di hemû dilan de ye nayê tecrîdkirin'', ''Ma destê kolonyalîstan de werd nêbenê, welatê xo de benê şahînê azadîye,  ''Şaredarîyî yê ma yê, ma destûr nêdanê xespî''û  ''Ma do rayîr medê qeyûm faşîzmî'', ''Îradeyê şarî nas bikerê'' ameyî kiriştene û sloganê sey “Colemêrg ya me ye” ameyî vatene.

Bakirhanî ard ziwan ke yewna cayê dinya semedê hurmetê îradeyî rayraşîyayîş nîno kerdene û vat no eybê nê welatî yo. Bakirhanî vat: ''Şar îdarekaranê xo vîjneno, la bi sebebanê cîya cîyayan nê vîjnayeyî nînê ecibnayene. Eke ti sindoq nanê ro ganî ci rê hurme bikerî. Ti hurmet mekerî zî o şar îdarekaranê xo rê hurmet keno. Ti kultur, ziwan, bawerîye û her çîyê kurdan xesp kenê û nêşarmîyenî vanê 'ma qebul nêkenê' ma do to rê bidê qebulkerdene. Mehmet Siddik Akişi vera bidê. Eke paştê şima şima ra pêt a weçînayîşê bînî de namzexê xo vejê vera ma. Şima bi red û înkarî nêeşkenê Kurdîstan de ser bikewê.''

Badê eşkerayîye rayraşîyayîşê 6 rojan bi sloganan dest pêkerd. Bi hezaran kesan verê xo da Colemêrgî.