27sîyasetmedarê ke çarçewa ''Cipêrsayîşê Kobanê''  hetê Serdozgerîya Komare ya Anqara ra yena rayraberdene, rehîn ameyî girewtene ra derheqê 20 kesan qerarê dewamê rehîngirewtişî ame dayene.

26ê kanûne de  Mehkemeya Cezaya ya Sulhu ya 3. ya Anaqra pê sîstemê SEGBÎSî  Zîndanê Sîncanî  ra îfedayê 20 sîyasetmedaran girewt û derheqê înan de qerarê dewamê tepiştişî da. Qerar ewro avûkatan rê ame vatene.

Sîyasetmedarê ke dereheqê înan de qerarê dewamê rehîngirewtişî ame girewtene wina yê:

Hemşaredarê Qersî Ayhan Bîlgen, Hemsereka verênê ya DBPyî, Emîne Ayna, Wekîla verêne Ayla Akat Ata, Beyza Ustun, Îbrahîm Bînîcî, Vervatoxo verên ê HDPy Gunay Kubilay,Endamê Heyetê Rayberdişî yê Merkezê HDPyî Alp Altinors, Endamê Komîsyonê Karanê Teberî yê yê HDPyî Nazmî Gur, Endamê RTUKî yê HDPyî Ali Urkut, Hesabdaro Pêroyî yo verên yê HDPyî Zekî Çelîk, endamê verênî yê Heyetê Rayberdişî yê Merkezê HDPyî Bircane Yorulmaz, Berfine Ozgu Kose, Dileke Yagli, Can Memiş, Bulent Parmaksiz, Pervine Oduncu, İsmail Şengun, Cihan Erdal, Mesut Bagcik û Ayşe Yagci.

Avûkatê sîyasetmedaran do Mehkemeya Heqanê Merdiman a Ewropa rê îtîraz bikerê.