Tepişteyo nêweş Gorgîn Oktaro ke 27 serrî yo sey rehîn yeno tepiştene rewşa ci çend şino xirabêr bena. Oktaro gimgimijo ke nika Zîndanê Maltepe yê Îstanbulî de yo 5 rey ame amelîyatkerdene û xeylêk nêweşîyê ci yê cîya cîyayî estê.

Oktaro ke tewr peynî de janê Korona zî girewt û hucre de ame tepiştene, pêvînîyîşê keyeyê xo de vat rîyê Korona ra hela ke o qixeno qirrika ci ra gonî yena. Waya Oktarî Hatune Bingolî vat: ''Rîyê janê Korona ra pişika birayê mi xesaro pîl dîyo. Gama ke ey jan girewt qîmkerde nêame tedawîkerdene. Nina rixmo ke nêweşîya Korona xo dima verdaya, hema zî zaf qixeno û gonî vîrêjeno. Gama ke o ameyo berdene Nêweşxaneyê Lutfî Kirdarî ûca ra sewqê Nêweşxaneyê Unîversîte bîyo la îdareyê zîndanî o herina nêweşxaneyî de bêrdo zîndan. Birayê mi pêvînayîşê peyênî de vat ne o ne zî embazê ci yê nêweşî yenê tedawîkerdene. Înan rê heqeret yeno kerdene û raştê zextê psîkolojîkî yenê. Semedê tedawîkerdişî ganî birayê mi heme tepişteyê nêweşî bêrê veradayene.''