Badê kiştişê General Qasim Silêmanîyî yo îranijî yo ke bi talîmatê Serekê DYA Donald Trumî ame kerdene têmîyankewtiş dewam keno. Yewîya Ewroba hesas  nêzdîye babete bena. Parlamentoyê Iraqî siba do bi rojdemê taybetî bêro pêser.

Goreyê xebera ajansê xeberan ê almanî Dpa perwerdeyê ke hetê  artêşa almane (Bundeswehr) ra dîyayêne leşkeranê ke Iraq de yê seba demêk ame vindarnayene. Reyna ame vatene ke koalîsyon zî vera çeteyanê DAÎŞî wina qerarêk girwet ke ‘leşkerî bêrê pawitene‘.

Wezaretê Karanê Teberî yê DYA bi eşkerayîyêk da zanayene ke ê do vera Têgêrayîşê Asaig Ehl El Hakî yo ke pabesteyê Haşdî Şabî yo ke bi nêzdîbîyayîşê Hêzê Qudusî yeno naskerdene, dest bi ambargo bikerê.

Serekê DYA Trump zî vat ê seba ke şerêk dest pê bikero ney seba ke şerêk vindarnê têgêrenê. Trumpî vat welatê ey wazeno ke pîya bi welatanê bînan ‘haştîye, yewîya karî û dostîye‘ înan  bibo.

Hetê bînî ra  badê kiştişê Qasim Silêmanî DYA da pêhesnayene ke ê do 3 hezar 500 leşkeran sewqê Rojhelatê Mîyanênî bikerê. Xeylêk bajaranê DYA de zî vera ‘qesewetê hêrişê terorî‘ detbîrê asayîşî yenê zêdekerdene.

Eşkerayîya Yewîya Ewropa (YE) de zî ame waştenê ke wa her kes bi berpisîyarîye tê bigêro.  Eşkerayîye de ame vatene ke yewna kriz Iraq de rewşe hîna kena girane.

Parlamentoyê Iraqî siba do derheqê babete bi rojdemê taybetî bêro pêser. Serekwezîr Adîl Abdul Mehdî hêrişê vera Silêmanî sey hêrişê vera welatê xo hesibnabi.

Seba ke Donald Trumpî bê xeberdayîşê kongre talîmatê kiştişê Silêmanîyî dayo no DYA de bi sebebê pêrodayîşan. Endamê Partîya Demokrate Senator Chuck Schumerî vat  Trumpî xoser qerar girwto la o têna nêeşkeno welatî biancê mîyanê şerî.

Ame zanayene ke temsîlkarê Swîsre yê Tahranî yo ke bêrê dîyalogî yê mabênê DYA û Îranî yo di reyî şiyo Wezaretê Karanê Teberî. Seba ke sefîxaneyê DYA Îranî de çîn o temsîlkarîya dîplomatîke ya Swîsre karê mîyançîyî kena.