Vizêr kesê bi nameyê Tanju Bîngolî pê çeke hêrişê bînaya qezaya Kanîreşî ya HDPyî kerdbi. Rêxistina HDPyî ya Çewlîgî hêrişî ra dima verê bînaya xo ya Kanîreşî de eşkerayîye daye. Temsîlkar û îdarekarê HDPyî yê Kanîreşî û xeylêk hemwelatîyî zî tewrê eşkerayîye bîyî.

Hemserekê HDPyî yê Kanîreşî Yilmaz Bulbulî da zanayene ke weçînayîşî benê nêzdî coka provakasyon û hêrişê vera partîya înan zî zêdîyenê. Bulbulî vat: ''No hêriş vera demokrasî, heqanê merdiman ame kerdene. Hêrişê winasênî do nêeşkê bikerê ke partîya ma sîyasetê legalî ra dûrî bikewa. Ma nê hêrişê namerdî û pêro provakasyonan lanet kenê û şermezar kenê.''

Eşkerayîye pê sloganê 'tedayî pê ma nêeşkenê', 'bi xoverdayîşî ma do ser bikewê' qedîyaye.