Rêxistina HDPyî ya Îstanbulî bi şîarê ''Nika wext wextê HDPyî yo'' kongreya xo ya 4. kerde. Kongre Merkezê Kulturî yê Kuçukçekmece de ameye kerdene. Bi hezaran kesî beşdarê kongre bîyî û salone de ca nêmende.

Kongre de raporê kerdişan û malîyan ameyî wendene. Dima zî Koma Bajarî vejîyaye sehne ser. Kongre de Îlknure Bîrol û Ferhat Encu sey hemserekanê Rêxistina Îstanbulî ameyî weçînayene.

Hemsereke Îlknure Bîrol pare kerd ke ê do pîya heqê pêro zehmetîyan ra bêrê. Ferhat Encuyî zî girseyo ewroyîn ê kongre eşkera keno ke terefgîrê HDPyî çend zaf ê. Encuyî vat: ''Ma nameyê dayîke Taybete û Garîbe Gezer ser o soz danê ke qetî ser bikewê.''