Rêxistina Heqanê Merdiman a Îranî da zanayene ke vizêr şaristanê Reştî (Lakan) de zîndanê merkezî de mabênê hêzanê asayîşî û tepişteyan de pêkewtiş qewimîyayo û 6 tepişteyî ameyê qetilkerdene.
Rêxistina Heqanê Merdiman a Îranî bi eşkerayîyêke pare kerd ke perey Zîndanê Evînî yê Tehranî de şewat vejîyabi û ard ziwan ke Wezîrîya Edaletî ya Îranî vato ke serebût de 4 kesan dinyaya xo bedilnaya, 61 tepişteyî birîndar bîyê, 10 tepişteyî birîndarî wedarîyayê nêweşxane û rewşa çar tepişteyan giran a.
Rêxistine eşkerayîya xo de vat ke rejîmê Îranî raştîyanê serebûtî nimneno û ganî binê çimdarîya Neteweyanê Yewbîyayeyan de cigêrayîş û tehqîqat bêro kerdene.
Rêxistina Heqanê Merdiman a Îranî eşkera kerd ke vizêr zî (16ê teşrîna verêne) de mabênê tepişteyan û hêzanê asayîşî yê Zîndanê Reştî de pêkewtiş qewimîyayo û pêkewtiş de 6 tepişteyan dinyaya xo bedilnaye. Derheqê serebût û nasnameyanê merdeyan de agahîyêke nêameye destvistene.
