Komîteya Tepişteyan a KODARî derheqê hêrişê vera Zîndanê Evîne  eşkerayîye daye û veng da şaranê Rojhelat û Îranî ke wa wayîrê tepişteyan vejîyê.

Eşkerayîye de ame vatene ke şewa şemeyî vera tepitşeyanê Zîndanê Evîne yê Tahranê Îranî hêriş ame kerdene û ca dîya nînan: ''Rejîm eşkera vera tepişteyanê sîyasîyan û aktîvîdtanê sîvîlan kaos aferneno û senoryoyan nuseno.  Yew aşme yo ke ciwanê azadîwaştoxê ke qetilkerdişê Jîna Emînî protesto kenê yenê tepiştene û nê zîndanî de yenê cakerdene.  Wa rejîm bizano ke nê senaryoyê zextî nêeşkenê verê serewedaritişî bigêrê. 43 serrî yo ke zîndanî vera zextanê rejîmî bîyê merkezê  cigêrayîşê têkoşîn û azadîye. Senaryoyê rejîmî yê  yaşewe yeno manaya dewamê qirkerdişê vera tepitşeyanê sîyasîyan ê 1998î. Wa şaro sereberz ê Îranî bizano ke pê ters û xofî yeno waştene ke verê serewedaritişî bêro girewtene.

Çîyê ke 1ê teşrîna verêne de Zîndanê Merkezî yê Sîne, Lekan Reşt û tewr peynî de zî Zîndanê Evîne yê Tahranî de qewimîyayî mojnenê ke no vera heme tepişteyanê zîndananê Rojhelat û Îranî yeno kerdene. Coka ma sey KODARî derheqê falîyetanê komplokeran û zextanê vera tepitşeyan de hîşyar kenê. Rejîm Îranî sere de Zeynebe Celalîyan rewşa heme tepişteyanê sîyasîyan ra berpirsîyar o. Sere de şarê kurdî ganî heme îranijê ke azadî wazenê semedê pawitişê tepitşeyanê sîyasîyan û pawitişê destkewteyanê serhildanî vejîyê waran.  Yewîya şaran û hêzê muxalîfî eşkenê cehdkerdişê qirkerdişê vera tepişteyan pûç bikerê.''