Rêxistinanê huqûqî yê mîyanneteweyî semedê Rayberê Şarê Kurdî Abdullah Ocalanî yo ke Îmrali de binê tecrîdê giranî de yo, muracatê CPTyî  kerd û waşt wa Îmraliyî zîyaret bikero.

Buroyê Huqûqî yê Asrinî verî muracat kerdbi û semedê muracatkerdişî veng da bi rêxistinanê huqûqî yê mîyanneteweyî. Naye ser o  Komeleya Huqûqnasan a Semedê Demokrasîyî ya Ewropa (European Assocation of Lawyers For Democracy & World Human Rights (ELDH), Avûkatî Semedê Avûkatan (Lawyers For Lawyers) û AEDyî semedê Îmraliyî muracatê Komîteya Vergirewtişê Îşkenceyî yê Ewropa (CPT) kerd.

Muracatî de ame vengdayene ke wa CPT cade Îmraliyî zîyaret bikero û seba ke avûkatî muwekîlanê xo vînê têbigêro.