Rayberê Şarê Kurdî Abdullah Ocalan Abdullah Ocalano ke 23 serrî yo Îmrali de bine tecrîdê giranî de yo û tepişteyê bînî Omer Hayrî Konar, Veysî Aktaş û Hamîlî Yildirimî ra 18 aşmî yo xebere nîna girewtene.

Avûkatî bi serran o nêeşkenê pêvînayîş bikerî û muracatê keyeyan ê ke her hewte yenê kerdene zî bêcewab yenê verdayene û bi aşman cuwa pê yeno vatene ke cezaya dîsîplînî ameya dayene. Vejîya werte ke reyna cezaya disîplînî dîyaye Ocalanî.

Goreyê xebera Ajansê Mezopotamya cezaya dîsîplînî ya ke aşma gulane de hetê Serekîya Heyetê Dîsîplînî yê Îmraliyî ra dîyaye bî Ocalanî û tepişteyanê bînan 15ê êlule de qedîyaye. Avûkatanê Buroyê Huqûqî yê Asrinî 16ê êlulu de semedê pêvînayîşî muracatê Serdozgerîya Komare ya Bursa kerd. Seba ke cewabê muracatî nêdîya avûkatan 23ê êlule de muracatê Mudirîya Heyetê Cezaya Înfazî yê Îmraliyî kerd.

Dadgerîya Înfazî yê Bura muracat red ked û da zanayene 9ê êlule de cezaya dîsîplînî ya hîrê aşman dîyaya Abdullah Ocalan û tepişteyanê bînan û 28ê êlule de na ceza ameya tesdîqkerdene. Baldar o ke ceza verê zîyaretê CPTyî ameya dayene. CPTyî 3ê teşrîna verêne de eşkera kerdbi ke heyetê înan 20-29ê êlule de Îmrali zîyaret kerdo.  2018î ra nata 12 rey cezayê dîsîplînî ameyî dayene. Sebebê cezayan avûkatan ra nînê vatane û gama ke wextê îtîrazî beno de cewabê avûkatan yeno dayene.