Verê Edlîyeya Riha de roja 539. de Nobeta Edaletî ya Keyeyê Şenyaşaran dewam kena.

Hewteyê verênî de walîtîya qedexe kerdbi ke keye verê dekewtişê bîna de nobete bikera la netîcey qerardarîya keyeyî de polîsan apey gamêke eştbi.

Ewro zî polîsan bi baheneya qerarê Walîtîye rojnamegerê ke Nobeta Edaletî ya Keyeyê Şenyaşaran teqîb kenê, girewtî binê ablûqa û tehdît kerdî. Polîsan muxabîrê Ajansê Mezopotamya û Yenî Yaşamî rê GBT ferz kerd.

Heman wextî de xeylêk polîsî zî sewqê verê edlîye ameyî kerdene. Keyeyê Şenyaşaran vera polîsan nêrazîbîyayîşê xo mojna. Şiwarê Emîne Şenyaşar bîna de zimîyê.

Emîne Şenyaşar vat: ''Wexto ke keyeyê mi ameyêne qetilkerdene şima nê tedbîrî bigirewtêne. Dîmenê kameraya nêweşxaneyî dizîyayî. Kiştoxî bi serbestî gêrenê.''

Nêrazîbîyayîşê Şenyaşaran ra dima polîsan ablûqa wedarite.