Koordînasyonê Kampanyaya #RiseUp4Rojava (Seba Rojawanî Wurzê We) 26 û 28ê teşrîna peyêne de vera hêrişanê îşxalî yê serê Rojawan û Başûrî, hêrişanê kîmyewîyan û seba paştdayîşê gerîlayan çalakîyanê mîyanneteweyîyan do bikero. Koordînasyonê Kampanyaya #RiseUp4Rojava derheqê çalakîyan de eşkerayîyêke daye.

Eşkerayîye de ame virvistene ke dewleta tirke ya îşxalkere vera Rojawan û Başûrê Kurdîstanî bêmabên hêrişanê xo rê dewam kena, vera gerîlayan çeka kîmyewîye xebitnena la gerîlayî zî bêmabên xoverdayîşê xo rê dewam kenê. Koordînasyonê Kampanyaya #RiseUp4Rojava vat: ''Nê çêrî têna seba yew hedefî xo ver danê; Rijnayîşê faşîzmê dewleta tirke!''

Koordînasyonê Kampanyaya #RiseUp4Rojava vat: ''Eke ma gerîlayan reyde bibê, seba Rojawanî serê wedarnê û tedaya şîrket û dezgehanê faşîstan bikerê rojê peyênî yê rejîmê Erdoganî do bêrê.

Adara 2018î ra nata dewleta tirke ya îşxalkere Efrîn talan kena û îşxal kena. Na babete ser o biewnê cigêrayîşê ma ra (https://riseup4rojava.org/face-the-robbery-of-efrins-resources-and-the-responsibles) û bivînê ke kamyew welatan de zeytûnan Efrînî semedê fînansekerdişê cergan roşîyenê. Nê esasî ser o çalakîye bikerê.

Tay şîrket û hukmatî çekan roşenê Tirkîya. Ca û ofîsanê Endustrîya Çekan de vinderê, sabote û îşxal bilerê. Semedê ney biewnê xerîtaya ma ya hedefan û çalakîyan bikerê: https://riseup4rojava.org/take-action/ û https://riseup4rojava.org/weapon-industry/

Tay hêzê sîyasî û dîplomatîkî yê mîyanneteweyî pê paştdayîşê xo rejîmê Erdoganî meşrû û rewa kenê. Înan deşîfre bilerê, teşhîr bikerê.

Şuxilîyayîşê çeka kîmyewîye mehkum bikerê. Wextê peyênî de dewleta tirke ya îşxalkere vera gerîlayan çeka kîmyewîye şuxilnena. Dewleta tirke sûcê merdimîye kena, vera ney ganî ma paştî bidê vengdayîşo ke HPGyî semedê cigêrayîşê şuxilîyayîşê çeka kîmyewîye kerdbi. Hetê bînî ra şima eşkenê paştî bidê kampanyaya maskeyanê gazî: https://widnet.org/

Gerîlayan û şaranê xoverdayoxan de bibê yew. Gerîlayê HPGyî, şerwanê YPG û YPJ û şarê Rojawan û Vakurî bi her hawayî xo ver danê. Ewro hêvîya dinya pabesteyê nê xoverdayîşî ya. Gerîlayan reyde yewbîyayîş yeno manaya PKKyî reyde yewbîyayîş.

27ê teşrîna peyêne serrgêra 43. ya ronayîşê PKKyî ya. Ma venga her kesî danê ke paştdayîşê xo yê bi PKKyî îfade bikero. Têkoşînê PKKyî têkoşînêko meşrû yo û heq keno ke hetê şaranê bindestan ê dinya ra paştî bivîno. Nê esasî ser o ma venga her kesî danê ke 26-27-28ê teşrîna peyêne de tewrê çalakîyan bibo.

Afernayox bê! Paştdayîşê xo bi xoverdayîşê antî-faşîstî bimojnê!

Ma pîya do faşîzmê tirkî birijnê! Ma seba Rojawanî sere wedarnê û destê xo bidê gerîlayanê azadîye!

#SmashTurkishFascism

#RiseUp4Rojava

#StandWithGerila”