Ciwananê kurdan û enternasyonelan bi şîarê 'Seba azadîya Rayber Apoyî bêrê cengê azadîye' Essenî ra heta Aachenî Rayraşîyayo Derg dabi destpêkerdene. Ciwanan roja hîrêyîne ya Rayraşîyayîşê Dergî Merkezê Komelê Demokratîkî yê Kurdan ê Dusseldorfî de pê yadkerdişê şehîdan temam kerde.

Ciwanî vizêr serê sibayî meydanê teyarayan ê Dusseldorfî ra kewtî rayîr û şan zî resayî merkezê Dusseldorfî. Ciwanan dima Merkezê Komelê Demokratîkî yê Kurdan ê Dusseldorfî de seba şehîdan merasîmêkê yadkerdişî serûber kerd.

Salona merasîmî de fotografê şehîdan ameyî daliqnayene. Ciwanan merasîm de qisey kerd. dadîya şehîd Lecwan Munzurî Aytene Sunger zî Delale Nurhak û Zîlane Qamişlo yad kerdî û vat: ''Ma soz danê ke do rayîrê înan de dewam bikerê.''

Qiseykerdişan de ame vatene ke Rayraşîyayîşo Derg rayraşîyayîşêkê serfîrazîye yo.

Merasîmî pê mojnayîşê sînevîzyonî dewam kerd.

Ciwanî ewro do Hildener Strasse Dusseldorfî ra heta Leverkusen Bahnhofî şorê.