Bi wesîleya serrgêra verêne ya serewedaritşê  Jin-Jiyan-Azadî' Kurdîstan û heme dinya çalakîyî yenê kerdene.

Bajaranê Rojhelatê Kurdîstanî de bi vengdyaîşê PJAK û KJARî grevê pêroyî dîya destpêkerdene. Kepenkê dikanan nêameyî akerdene, şar nêşi gure.

Bitaybetî bajarê Saqizî ke mezelê Jîna Emînî tede yo, heme kuçeyê gerîyayî binê ablûqa, rayîrê ke şinê mezalan bi wesayîtanê zirxinan ameyî girewtene. Dîya zanayene ke seba ke rayîrê Mezelanê Ayçî bêro girewtene qapaxêkê awbendê Çiraxî ke mabênê mezelan û bjarî de yo ame akerdene.

Seqiz, Sine, Dîwander, Merîwan, Bokan, Bane, Kamyaran, Kirmaşan, Urmiye, Mahabad, Dehgolan,Kirmanşah mîyanê bajaranê ke grevê pêroyî yeno kerdene de yê.

Dewleta Iranî sere de Rojhelatê Kurdîstanî de xeylêk bajaran de tedbîrê ''asayîşî'' zêdînayî, xeyêk hêzê dewlete bajaran de ameyî cakerdene.

Partî û rêxistinê kurdan zî semedê tewrbîyayîşê yadkerdişê ke do Mezelanê Ayçî de bêro kerdene veng da.