Mudirê Karanê Nuşteyan ê Ajansê Mezopotamya Ferhat Çelîk vizêr saetanê veraşanî de Şîşlîya Îstanbulî de sereştişê keyeyê ci de ame destbendkerdene. Çelîk ewro hetê dadgerîye ra serbest ame veradayene la dima rîyê yewna cipersayîşî ra reyna ame destbendkerdene.

Polîsanê ke eşte keyeyê Çelîkî ser û seba ke derheqê ci de hetê  Dozgerîya Komare ya Dîlokî  ra cipersayîş dîyayo destpêkerdene Çelîk destbend kerd.Çelîk ame berdene Qereqolê Farîkoy û tîya bi îdîaya'' propagadaya rêxistine'' ame destbendkerdene. Çelîkî ewro Edlîyeya Çaglayan îfade da û tira xeberê mabênê tarîxanê tebaxe- êlule a 2020yî MA ameyî persayene.  Çelîk dima ra vejîya mehkeme û hetê Dadgerîya serbest ame veradayene. Bado ke Çelîk ame veradayene çarçewa yewna cipersayîşî de ame destbendkerdene û ame berdene Mudirîya Asayîşî ya Mecdîyekoyî.