Rojnameger û Serekê Cemîyetê Rojnamegeran ê Bedlîsî Sînan Aygulî 2014 de seba ke derheqê bêusûlî û dizdîya Wekîlê AKPyî yê Bedlîsî Vahît Kîler de xeberî kerdbî û Kîlerî rê 'sîyasetmedaro kurd' vatbi vera ci dewa amebî akerdene. Aygul netîceya dewa de tepişîya.

Aygulî rê 2015 de zî hetê Mehkemeya Cezaya Aslî ya Tetwanî ra sûcê 'Bi rayîrê çapemenîye heqaret' ra cezaya pereyî ya 1 hezar û 500 lîra amebî dayene la hukmê ceza amebi apeyeştene. Dimayê xebera ci ya eşkerakerdişê tacîzêkî cezaya pereyî qetî bîye.

Aygul eke cezaya pereyî nêdo do bikewo zîndanî. Aygulî derheqê bire de vat: ''Seba çapemenîya azade û azadîya îfadeyan cayê xemgînî yo ke ez dewaya winasêne ra ceza gêna. Ez do nê pereyî nêda. Wa bêrê mi bitepişê, bierzê zîndanî.''

Dozgerîya Komare ya Tatwanî derheqê Aygulî de bira tepiştişî dabî.

Aygul tepişîya û erşawîya zîndanî.