Edîtorê Ajansê Mezopotamya (MA) Abdurrahman Gok tehqîqatêkê Serdozgerîya Komare ya Amedî ser o bi îdîaya 'endamîya rêxistine' amebi tepiştene. Roniştişê dewaya vera Gokî 14ê êlule de amebi kerdene û Gok vera nêdîyabi.

Gokî Zîndanê Amedî ra bi rayîrê avûkatê xo mektubêke şawite û tede pare kerd ke se beno wa bibo o do tim rojnamegerîye bikero.

Gokî vat: ''Ez pê emîn bîya ke mehkeme mi vera nêda. Coka bire ez şaş nêkerda û ez pê xemgîn nêbîya. Na bêhuqûqîye do wextêk dewam bikera la wexto ke mi salona mehkeme de o paştdayîş dî ez nameyê rojnamegerîye ser o kêfweş bîya. Paştdayîşê dostanê mi hîsê min ê rojnamegerîye zêdîna. Ez do tim raştîyan bipawa û rojnamegerîye bikera. Ez şima pêroyînan rê sipas kena. Rojnamegerîye sûc nîya.''