Rojnamegera tepişte rê ferzkerdişê muayenaya bi kelemçe
Muxabîra MA Ceylane Şahînlîya ke pa 8 rojnamegeranê bînan Anqara de tepişîyena, seba ke ferzkerdişê kelemçe red kerd nêameye tedawîkerdene.
Anqara de 9 rojnamegerê Ajansê Mezopotamya (MA) û JINNEWSî 29ê teşrîna verêne de bi îdîaya 'endamîya rêxistine' ameybî tepiştene.
Nê 9 rojnamegeran ra muxabîra MA Ceylane Şahînlî bi şikê Hepatit Byî Zîndanê Sîncanî ra ameye berdene bi nêweşxaneyî. Seba ke wextê muayena de kelemçeyê ci nêameyî vetene Ceylane Şahînlî tedawî red kerde.
Naye ser o Ceylane Şahînlî apey ameye berdene bi Zîndanê Sîncanî yê Anqara.
