Hemserekê Komeleya Rojnamegeran a Dîcle Firatî (DFG) Serdar Altun, Mudirê Karanê Nuşteyan ê Rojnameyê Xwebûnî Mehmet Alî Ertaş, Mudira Jinnewsî Safîye Alagaş, Edîtora Jinnewsî Gulşene Koçuk, Edîtorê Ajansê Mezopotamya (MA) Azîz Oruç û Omer Çelîk zî tede 20ê ci rojnamegerî 21 kesî 8ê hezîrane de ameybî destbendkerdene û hema zî nezaret de yê.

Hemserekê DFGyî Serdar Altan û Edîtora Jinnewsî Gulşene Koçuk bi rayîrê avûkatanê xo mesajêk şawit.

Sardar Altanî mesajê xo de vat: ''Îqtîdar estbîyayîşê xo pê nimnayîşê raştîyan dewam keno. Îqtîdarê AKP-MHPyî pê nê operasyonan xîret keno ke bêhuqûqîyanê xo şarî ra binimno. Pê destbendkerdiş û tepiştişê rojnamegeran şarî ra raştîyî nênê nimnayene. Tradîsyonê çapemenîya azade bi nê kerdişanê bêhuqûqîyan nêno bêvengkerdene. Tradîsyonê çapemenîya azade do tim raştîyan vat û do vajo.''

Edîtora Jinnewsî Gulşene Koçuk mesajê xo de vat: ''Îqtîdar û dezgehê hukmî her çend bêrê serê tradîsyonê çapemenîya azade zî ma payan ser de yê. Ma raştîyan ra hêz gênê. Îqtîdarê AKP-MHPyî pê nê kerdişan nêeşkeno ma rê bibo asteng. Ma rojnameger ê, ê nêeşkenê naye ser o bire bidê. Jinnews ajansê cinîyan o û coka îqtîdar tedaya ci keno. Ez wazena reyna bîyara ziwan ke karo ke ma kenê û rayîrê ma raşt o û ma pê ney bawer ê.''