Rojnameyê Jyllands-Postenî yê Danîmarka yo ke zaf yeno wendene de serrgêra komployê vera Rayberê Şarê Kurdî Abdullah Ocalanî de sey pêro pelî  îlanê 'Ocalanî rê azadîye' ame weşanayene.

Rojnameyo ke rojane hetê 20 mîlyon kesan ra yeno wendene de bale yena antene serê tecrîdê serê Abdullah Ocalanî û derheqê hêrişê dewleta tirke yê ke bi polîtîkaya yewmerdimî ya Serekkomarê Tirkîya Erdoganî  vera kurdan û muxalîfan yenê kerdene de zanayîş yeno dayene. Reyna derheqê xebatanê ke semedê azadîya Rayberê Şarê Kurdî de yenê kerdene zanayîş yeno dayene  û sîyasetmedar, huqûqnas, hunermend û akedemîsyenê Danimarka yê ke paştî danê Ocalanî ê yenê vîrardene.  Îlan de fikrê Abdullah Ocalnî ke hucreyê xo de çarçewa Konfederalîzmê Demokratîkî de nuştî ê zî ca genê.

Peynîya îlanî de zî yeno vatene ke semedê azadîya Rayberê Şarê Kurdî ganî xebatê hîna hîra bêrê kerdene û semedê pîlkerdişê têkoşînê demokrasîyî yeno vengdayene.