Romanya wazena rojnameger Akman teslîmê Tirkîya bikera
Selahîyetdarê Romanya xîret kena ke rojnameger Nurî Akman zî tede 3 multecîyanê sîyasîyan ê kurdan rixmê îşkence û gefê tepiştişî yê Tirkîya sînorî ra teber bikera û teslîmê Anqara bikera.
Goreyê zanayîşanê ke ameyî girewtene selahîyetdaranê Romanya Meydanê Teyarayan ê Bukreşî de xîret kerd ke rixmo ke ey muracatê îltîca kerd bi zorî rojnameger Nurî Akman cinuşnê teyara.
Mehkemeya Tirkîya Akmanî rê bi bahaneya xeberanê Kobanê, fotografan û vilakerdişê medyaya dijîtale bi îdîaya 'endamîya rêxistine' cezaya zîndanîye ya 6 serran û 3 mengan daye.
Akman gefê tepiştişî ra çeleyê 2019î de neçare mend ke şoro Yunanîstan û waştişê îltîca kerd.
Romanya wazena multecîyanê sîyasîyan Kokman Coşkun û Serdar Bîlgînç zî sînorî ra teber bikera. Derheqê wird kesan de zî bira tepiştişî esta.
