Xeylêk şaristananê Ewropa de kurdan û dostanê înan serrgêra 43. ya ronayîşê PKKyî bi şayîyan fîraz kerde.

Şaristanê Hildesheimî yê Almanya de bi şayîyêke ronayîşê PKKyî ame fîrazkerdene. Wextê şayîye de polîsan eşt cayê şayîye ser û dest na flamayan û fotografanê Rayberê Şarê Kurdî Abdullah Ocalanî ser. Girseyî pê sloganan vera polîsan nêrazîbîyayîşê xo mojna. Hunermendî Berbang, Zinar Sozdar, Zozane Zûdem û Hikmet Koma Bira vejîyayî sehne ser.

Şaristanê Duisburgî yê Almanya de şayîya ronayîşî de venga pêro kurdan ame dayene ke wayîrê xoverdayîşê tarîxî yê PKKyî vejîyê. Dima hunermendî Nûarîn, Bulent Tûran, Koma Agirê Roj û Lorîn û Rûbîn Nisêbîn vejîyayî sehne ser. Şayîye pê govendan qedîyaye.

Şairstanê Zurihî yê Swîsre de şayîya ronayîşî pê qiseykerdişan dest pêkerd. Qiseykerdişan de ame vatene  ke rixmê pêro hêrişan zî kurdan xeta xoverdayîşî naye ro. Qiseykerdişan ra dima şayîye pê deyîranê hunermendan qedîyaye.

Şaristanê Baselî yê Swîsre de zî bi heman hawayî ronayîşê PKKyî bi coşî ame fîrazkerdene.

Kantonê Solothurnî yê Swîsre de şayîya ronayîşî de fotografê şehîdan û Rayberê Şarê Kurdî û alayê PKKyî ameyî akerdene. Şayîye de ronayîşê PKKyî ser o sînevîzyonêk ame mojnayene. Şayîye pê deyîranê hunermendan û govendan qedîyaye.