Wan de di kesî maruzê îşkenceyê leşkeran mendbîyî û dima zî helîkopterî ra erzîyabî war. Muxabîranê Ajansê Meopotamya (MA) Adnan Bîlen û Cemîl Ugur, muxabîra Jinnewsî Şehrîbane Abî, rojnamegere Nazane Sala û muxabîra MA Zeynepe Durgut xebera îşkenceyî kerdbi û derheqê înan de dewa amebi akerdene. Roniştişo 2. yê dewaya rojnamegeran ame kerdene.

Adnan Bîlen, Cemîl Ugur û avûkatê rojnamegeran tewrê roniştişî bîyî. Rojnamegeran û avûkatan ard ziwan ke rojanemegeran wezîfeyê xo kerdî û beraat waşt. 

Heyetê mehkeme bire daye ke rojnamegere herinda 3 reyan de hewte de rayêke îmza bida qereqolî, tehqîqarê Sala de zanayîşî bêrê girewtene. Heyetî roniştiş taloqê 21ê teşrîna verêne kerd.