Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene, lajê xo Ferît Şenyaşarî reyde verê Edlîyeya Riha de nobeta edaletî kena.

Ewro roja 575. ya nobete de Emîne Şenyaşar bi îdîaya ke 'Wezîrê Karanê Zereyî Suleyman Soylu û Îbrahîm Halîl Yildizî rê heqaret kerdo' do vejîya verê mehkeme.

Avûkatê keyeyî Hîdayet Enmekî roniştişî ra verî qisey kerd û pare kerd ke qîrayîşê dayîke Emîne 575 rojî yo dewam keno. Enmekî vat: ''Vera aye heta nika 15 tehqîqatî ameyî akerdene. Qirkerdişê nêweşxaneyî 4 serrî yo nêame dekerdene dosya mîyanî. No keye gêreno edaletî. Ewro ma zî do salonanaê Mehkemeya Cezaya Aslîye de têkoşînî rê dewam bikerê.''