Roniştişê Dewaya Kobanê  Kampusê Zîndanê Sîncanî de dest pêkerd. Roniştişî ra verî verê kampusî de têgêrayîşê polîsan zêdîyayî. Dewa de îdarekarê HDPyî û sîyasetmedarê kurdî zî tede 108 kesî yenê muhakemekerdene ke nînan ra 20 tenî tepişte yê.

Têna avûkat, parlamenter û tepişteyî tewrê roniştişî ameyî kerdene. Polîsan nêverda ke rojnameger û seyrkerî tewrê roniştişî bibê.

Rojnamegeran vat ke ''Eke serekê mehkeme bire bido şima do biverdê.'' Polîsan zî vat: ''Bira serekê mehkeme ma eleqedar nêkena. Ma pê bira Walîtîye têgêrenê.''

Avûkatan derheqê babete de serekê mehkeme reyde pêvînayîş kerd û serekê mehkeme rojnamegeran ra waşt ke birêka winasêne çin a.