Qezaya Rezanî ya Amedî de 11ê êlula 2019î de wesayîtê zirxînî Efe Tektekîno 5 serre eciqnabi. Polîso tirk Î.A. bi sûcdarîya 'xeletî ra bîyo sebebê mergî' Mehkemeya Cezaya Aslî ya 9. de ameyêne hukmkerdene. Roniştişo 7. yê dewa ame kerdene.

Avûkatê keyeyê Tektekînî Sedat Çinar û Mustafa Aydin tewrê roniştişî bîyî. Mustaya Aydinî îfade kerd ke raporê Dezgehê Tipê Edlî (ATK) bêteref nîyo û ê nê raporî qebul nêkenê. Heyetê mehkeme bire daye ke ATKyî ra raporo newe bêro waştene. Roniştiş taloqê 24ê adara 2022î ame kerdene.