Kurdan Qezaya Novoaleksandrovski ya Şaristanê Stavropolî ya Federasyonê Rûsya de dostanê xo reyde serrgêra 41. a ronayîşê PKKyî fîraz kerde.  Fîrazşayîye salona konserî ya Keyeyê Şarî yê Novoaleksandrovskî de ameye serûberkerdene û seba şehîdan deqayêkê rêzgirewtişî ra dima fîrazşayîye dest pêkerd.

Hemserekê Otonomîyê Kulturê Kurdan a Novoaleksandrovskiyî Huseyîn Ahmedovî qisey kerd û vat: "PKK yo ke fikrê azadîye da kurdanê çar parçeyanê Kurdîstanî û teberê welatî, roje bi roje xurt beno û nêzdîyê azadîye beno. No têgêrayîş o ke rayberîya Rayberê Şarê Kurdan ê Ocalanî de awan bi şarê kurdan rê azadîye do dîyarî biko.

Dima Sereka Meclîsê Novoaleksandrovskiyî Ludmila Nikolaevna û temsîkaranê dezgehanê cîyayan qisey kerd û serrgêra ronayîşê PKKyî fîraz kerde.Şayîye de Hozan Comertî, Yunus Agirîyî û hunermendanê herême hunerê xo pêşkêş kerd.