Roşnvîrî: Ganî ma wayîrê Rojawanî bivejîyê

Zaf zanyaran, nuştoxan û avûkatanê heqanê merdiman ê ke neteweyanê cîyayan ra yê vat: "Ma wayîrê Rojawanî bivejîyê û nê tecrubeyî vila bikê."

Zaf zanyaran, nuştoxan û avûkatanê heqanê merdiman ê ke ANF reyde qisey kerd vat îşxalê dewleta tirke yê vera Rojawanî binpaykerdişê huqûqê mîyanneteweyî yo û bale ante tehlûkeyê qirkerdişî ser.

Dr.  Ahmed Djavîtî vat: "Ez paştî dana Rojawanî û hêrişê dewleta tirke şermezar kena. Ez hêvî kena ke herêma ma de mabênê şaran de haştîye do ser bikewa."

Prof. Andrej Grubacîco ke dibistana San Francisco CIISî ya DYA de Serekê Departmana Antroplolojî û Vurnayîşê Komelkî de mamosta yo vat: "Çira ma wayîrê Rojawanî bivejîyê? Çunke Şorişê Rojawanî yo demokratîk bi mîsalê komelê têdûştî, ekolojîkî, azadîya cinîyan. Konfederasyono Demokratîk ewro Rojhelatê Mîyanênî de têna parçeyêk o  ke demokratîk o."

Abraham T. Zere, Dîrektorê PENî yê Erître vat: "Keso ke wayîrê wijdanî yo ganî paştî bido Rojawanî."

Filolojîst Nurit Peled-Elhananî vat: "Têna seba ke ê kurd ê tirkî înan kişenê. Demokrasîyo ke Rojawan de ser kewt ewro tay mend ke bişiknê û hukmatêkî zî paştî nêda kurdan."

Attila Vajnaî, Serêkê Pêroyî yê Partiya Karker 2006î yê Macarîstanî vat: "Ganî paştî bêro dayene kurdanê ke vera înan teda, zorbazî yenê kerdene. Ganî konferanî, forumî bêrê kerdene. Ganî ma firsendan awan bikê ke ma komelê kurdan merdam reyde bîyarê têhet. Pêro endamê Partîya Karkeran a Macarîstanî 2006 paştî danê kurdan û çalakîyanê înan."

Zanîngehê Teknîkî yê Dresdenî yê Almanya ra Gal Kirnî vat: "Rojawan sembolê sozyalîzmê demokratîkî û serkewtişê cinîyanê kurdan o ke Vakurê Sûrîye de ame sazkerdene û hetê şarî ra yeno xurtkerdene. Ma do nêverdê ke Rojawan bêro çinkerdene. Ma do uca bikê warê serfîrazîye."

Zanîngehê Sîmon Fraserî yê Kanada ra Ian Angusî vat: "Kurdan seba pêro şaranê dinya vera DAÎŞî şer kerd. Wexto ke hewceyê têgêrayîşê demokratîkî yê kurdan bi paştdayîşê merdiman beno înan tênaverdayîş şerm o. Têgêrayîşê kurdan sey hêzêkê girîngî yê averwazî paştdayîş heq keno û ganî pêro dinya paştî bida înan."