Badê eşkerayîya Buroyê Huqûqî yê Asrinî vejîya werte ke CPTyî Rayber Apoyî reyde pêvînayîş nêkerdo. A roje ra nata çalakîyî dewam kenê. Bi vengdayîşê seferberîye yê KCDK-E kurdîstanijan bajarê Strasbourgî de verê banê CPTyî de çalakîya hîrê rojan daye destpêkerdene.

Çalakîya roniştişî de eşkerayîye ameye dayene. Verî Hemsereka KCDK-E Fatoşe Goksungur qisey kerd. Goksungure vat: “Ma tîya CPTyî ra persenê. Şima Îmrali de Birêz Oclanî reyde pêvnayîş kerd ya nê? Şima mecbûrê ke lezabez eşkerayîye bidê.”

Wezîrê Karanê Zereyî yo verên ê Îzlanda  û Serekê Heyetê Îmraliyî Ogmundur Jonassonî zî vat: “Azadîya Ocalanî do bibo wesîleya haştîyêka mendîye. Eynî wextî de  kesê ke Rojawan de vera hêrişanê dewleta tirke têkoşîn kenê, ez înan selam kena.”

Hemserekê KONGRA-GELî Remzî Kartal zî vat: “Kurdî tim semedê Rayber Apoyî her ca de payra yê. Rewşêka îstîsnayîye est a. Şarê kurdî qisawet keno. CPT xora na babete hasasîyetê kurdan zano. Coka ganî cade eşkerayîye bido.”

Avûkatê Rayberê Şarê Kurdî Omer Guneşî zî derheqê rewşe de zanayîş da û vat dezgehê mîyanneteweyîyî huqûqê xo binpay kenê.