Goreyê zanayîşanê ke ameyî girewtene saetanê serê sibayî de bajarê Saarbruckenî yê Almanya de polîsan bêxeberdayîşê îdarekarnê komele eşt komeleya kurdan ser.

Pîya bi sereştişê komele xeylêk keyeyê kurdan zî ameyî sereştene. Komele û keyeyî ameyî serûbinkerdene û xeylêk malzeme ame destsernayene.  Îdarekarê komele serê sibayî gama ke şîyî komele dî ke heme berî ameyî şiktene û kîlîtê neweyî ameyî pakerdene.

Badê hêrişî kurdîstanijî verê komele de ameyî têhet. Tîya eşkerayîya çapemenîye ameye dayene. Eşkerayîye de sereştiş ame şermerzarkerdene û ame vengdayene ke wa hinî polîtîkaya krîmînalîzasyonî bêro bigedîyo.

Dima ra merkezê bajarî de çalakîya serşmezarkerdişî ameye kerdene. Qiseykerdişan de şuxulnayîşê çekanê kîmyewîyan ê dewleta tirke ame vîrardene û ame vatene dewleta almanî vera sûçê çekanê kîmyewîyan bêveng a la şarê kurdo ke heqanê xo yê demokratîkan şuxulneno hedef gena.