Lîderê Têgêrayîşê Sadrî yê Iraqî Muqteda Es Sadrî û Serekkomarê Iraqî Berhem Salîhî vera hêrişanê dewleta tirke yê serê Herêmanê Pawitişî yê Medya nêrazîbîyayîşê xo mojna.

Sadrî twitter de eşkerayîyêke daye û hêrişê dewleta tirke yê vera Herêma Kurdîstanî binpaykerdişê heqê serdestîye yê Iraqî şermezar kerdî. Sadrî vat eke hêrişî dewam bikerê ê do bêveng nêmanê û venga dewleta tirke da ke meseleyan pê dîyalogan çareser bikera.

Serekkomarê Iraqî Berhem Salîhî zî derheqê hêrişanê îşxalî yê Tirkîya de eşkerayîyêke daye. Salihî vat: ''Nê hêrişî vera ma yenê kerdene. Ma wazenê wa mesele pê dîyalogan bêra çareserkerdene. Ma hêrişanê dewleta tirke red kenê û qebul nêkenê. Ma wina pawenê ke Tirkîya hûrmetê heqanê ma yê serdestîye bikera. Polîtîkaya ma ya teberî û birê ma yê dewleta Iraqî hêrişê dewleta tirke red kenê. Ma do qetî ney qebul nêkerê.''