Endamê Konseya Hemserekîye ya PYDyî Salih Muslimî îfade kerd ke serra 23. de Mutabaqatê Adana ser o ANFyî rê qisey kerd.

Muslimî bale ante ser ke Mutabaqatê Adana a raşte mabênê îstîxbaratê Sûrîye Ednan Bedir û MÎTî de amebi kerdene û vat: ''Nê pêkerdişî Meclîsî rê yan zî Heyetê Wezîran rê nêameyî pêşkêşkerdene coka no peymanêke ra zêdêr sey vateyê serê kaxidî yo. O çax Sûrîye binê gefêkê pîlî de bîye. No mutabaqat qanûnê neteweyî yan zî qanûnê mîyanneteweyî de derbazdar nîyo.

Tirkîya nika xeylêk herêmî bi seyan kîlometreyî îşxal kerdî û nê cayan de demografî vurnena.Tirkîyaya ke cergan perwerde kena û sewqê tankan kena yew eleqeyê ci bi mutabaqatî çin o. Semedo ke Surîye qels bîya nêeşkena Tirkîya rê vaja 'bes o, ez mutabaqatî ra vejîyena.' Mutabaqatê Adana semedê Sûrîye dokumentê teslîmîyetî yo labelê hînî bêhukm mendo.

Sûrîyeya newîye de ganî no bêro betalkerdene. Nê mutabaqatî bahane daya Tirkîya ke Sûrîye îşxal bikera. No zî Sûrîye rê îxanet o. Ez pê bawer a ke îradeyê şarê Sûrîye vejîyo werte û peymananê sey Adana ra bixeliso.''