Sancar: Bi îtîfaqê demokrasîyî ma do nê îqtîdarî bişawê

Hemserekê Pêroyî yê HDPyî Mîthat Sancarî ke kongreya partîya ci ya Anqara de qisey kerd vat: Wextê rayîrê hîrêyin o. Ma kenê ke îtîfaqê demokrasîyî semedê şaran bikerê alternatîfê raştî.

Rêxistina HDPyî ya Anqara bi şîarê ''Wextê serkewtişî yo''  kongraya xo ya çarine kerde. Xeylêk îdarekarê partîyanê sîyasîyan û dezgehanê komelê sîvîlî tewrê kongre bîyî.

Hemsereka HDPyî ya Anqara Pakîze Sinemilioglu ya ke qiseykeridşê akerdişî kerd, vat ê do îtîfaqê rayîrê hîrêyînî ronê. Hemserekê HDPyî yê Anqara Verîz Parlakî zî vat heta ke sîyasetmerdarê tepişteyî zîndan ra vejîyê ê do têkoşînî rê dewam bikerê. Wekîla HDPyî ya Anqara Fîlîze Kerestecîoglu zî vat ê do vera neheqîye û bêadaletîye têkoşînê xo xurtêr bikerê.

Hemserekê Pêroyî yê HDPyî Mîthat Sancarî: ''Vat ma kerdo xo çeng, ma do nê îqtîdarî bişawi. No zî pê îtîfaqê şaran beno. Ma sey HDPyî kenê ke îtîfaqê demokrasîyî semedê şaran bikerê alternatîfê raştî. Ma zanê ke qet yew hêzo ke 20 serrî îqtîdarî de mend nêwazeno nê nimetan caverd. Sucê ke kerdî înan ra tersenê.  Hem vînîkerdişê nîmetan ra hem zî sûcanê xo ra tersenê. Vera îqtîdarê wînayênî pê alternatîfanê raştan ma eşkenê têkoşînê xo ser bifînê.  Vîjnayîş yew roje têkoşîn her roje yo. Coka ma vanê ke ma îtîfaqê demokrasîyî serê têkoşînê hemparî nanê ro. Şîarê ma têkoşîno hempar o. Ma pê têkoşînê qerardarî rayîrê xo rê dewam kenê. Eke ma wina dewam bikerê, şima do bivînê ma do nê îqtîdarî bişawê. Ma do nê nîzamî bidedilnê. Coka ma vanê ke nika wextê HDPyî yo, wextê serkewtişî yo.  Nika wextê rayîrê hîrêyîn o.''

.