Hemserekê Pêroyî yê HDPyî Mîthat Sancarî Merkezê Pêroyî yê Partîye de eşkerayîya çapemenîye kerde. Qiseykerdişê akerdişî Endamê Heyetê Rayberdişî yê Merkezê HDPyî Sultan Ozcan kerd. Ozcan vat înan semedê xarîtaya rayîrî ya verê înan kombîyayîşêk kerd.

Mîthat Sancarî vat: ''Rojademê ma sixletî yo. Rojdemê germinî yê Tirkîya est ê.  Ma sey têgêrayîşê sîyasîyî yê hêzdarî kenê ke berpirsîyarîya xo bîyarê ca.'' Sancarî bale antê hêrişanê peyênanê ke binê nameyê 'cipersayîşê Kobanê' de ameyî kerdene ser û vat: ''Hêrişê îqtîdarî yê vera partîya ma dewam kenê. Dewaya Kobanê û dewaya qefilnayîşî ya vera partîya ma dewam kenê.  Hetê bînî ra di rojî verî sey pêlê dîyînî operasyonêkê neweyî dest pê kerd. Nê operasyonî de hetkarîya merdimîye ya Kobanê sey sûcî yena hesibaneyene. Ma reyna vajê, nê îqtîdarî paştî daye DAÎŞî ma paştî daye şarê Kobanê ke vera çeteyan xover da. DAÎŞ bin kewt û têkoşînê şarê Kobanê ser kewt. No bi kul kewt zerrîya înan. Coka nika pê hêrişan cehd kenê  ke qesas bîgêrê. Tîya hesabpersayîşo sîyasî yo zaf hetin û xurt est o. Ma zanê ke qerarê nê heyetanê huqûqî  de nê sahneyê sîyasetî de yeno girewtene. Ma do pê pêro hêzê xo têkoşînî xurtêr bikerê û na dewa betal bikerê. Ma do Tirkîya na tarîtîye ra bixelisnê. Ma heqdar û qerardar ê, ma do bi têkoşînê hemparî ser bikewê.''