Komîsyonê Bawerî û Şaran ê HDPyî  kampanyaya ''Îslam de Kede, Haştîye û Edalet'' daye destpêkerdene. Hemserekê Pêroyî yê HDPyî Mîthat Sancarî kombîyayîş de qisey kerd.

Mîthat Sancarî vat: ''Na kampanya wextê tengî yê welatî de yena destpêkerdene ke tarîtîye roşn bikero. Nê wextî tengî de îqtîdar tewr zaf dînî şuxulneno. Seba ke verê nê îstîsmarî bêro girewtene û bawerîye rayîrê raştî yê haştîye, edalet û kede ramojnê, hedefêko erjîyaye yo. Dînî semedê haştîye, heskerdiş û edaletî vejîyayî werte la semedê zulm û şerî yenê şuxulnayene.  Mesele şerê 30 serran bi nameyê bawerî ameyî kerdene.  Bitaybetî 10-15 serranê peyênan de herêma ma de, Rojhelatê Mîyanênî de pêkewtişê gornînê ke yenê kerdene bigehê înan de şuxulnayîşê dînî est o. Îqtîdarî semedê hukmkerdişî îslamî îstîsmar kenê. DAÎŞ, El Nusra û êyê ke paştî danê înan wazenê pê şuxulnayîşê dînî îqtîdarê xo ronê. 

Çiwext ke dîn beno îqtîdar zerarê tewr pîl dîn  û meridmê sasmîmî vînenî. Armancê na kampanya verê şuxulnayîşê dînî bîgêro ke bawerîyî azad biciwîyê.  Hem Îslam hem zî bawerîyanê bînan de yeno vînayene ke kede senî erjîyaye ya. Şuxulnyîşê dînî gune yo, eyb o, sûc o. Ma do polîtîkaya ke bi nameyê dîn û bawerîyan yena kerdene teşhîr bikerê. Na çarçewe de fîrkîr û cehdkerdişê şima seydayan, alîman zaf muhîm ê. Semedê nimitişê gune, sûc û zulmanê xo dînî şuxulnenê. Ma do pê paştdayîşê şima dahîna zaf gala ercanê raştan ê nê dînî ke vera caardişanê îqtîdarî yê, komelî rê bikerê.''