Komeleya Heqanê Merdiman ê Swêdî derheqê rewşa Rayberê Şarê Kurdî Abdullah Ocalan û tepişteyanê sîyasîyan de programê di rojan organîze kerd. Roja verêne Kulubê Çapemenîye yê Cenevre de kombîyayîş ame kerdene. Siba zî do Parlementoyê Federalî yê Swîsre de kombîyayîşêk bibo.

Avûkatanê Buroyê Huqûqî yê Asrinî ra avûkatê Ocalanî Rezan Sarica, Komeleya Huqûqnasan a Seba Azadîye ra Rengine Ergul, Temsîlkarê Daîmî yê Neteweyê Yewbîyayeyî (NY)  yê Yewîya Huqûqnasan ê Amerîka  Gianfranco Fattorin tewrê kombîyayîşî bîyî.

Avukat Saricayî rewşa xirabe ya zîndanan vist vîrî  û vat: "Zîndananê Tirkîya de xeylêk mergê şikdarî qewqimîyayî. Zafê tepişteyan wayîrê nêweşîyanê giranan ê sey kanserî yê. Seba ke xizmetê weşîye kêm o her serre tepişteyê nêweşî merênî. Goreyê doneyanê Komeleya Heqanê Merdiman 604 ê înan giranî 1605  tepişteyê nêweşî est ê."

Saricayî bale ante tecrîdê Îmraliyî ser û vat: ''Ocalan Îmrali de des serrî têna mend, 14 serrî TV nêdîyayî Imrali, rojanme pê sansûrî dîya ci, radyo zî têna bi kanalê TRR-1 ame sînordarkerdene. Zafê mektuban nêameyî dayene, 23 serran de têna di rey heqê xo yê telefonî şuxulna. Heme pêvînayîşê ci ameyî qeydkerdene. Pêvînayîşê keye û avûkatan tim ameyî astengkerdene. 11 serrî yo semedê pêvînîyîşî ma hezarî ra zafêr muracatî kerdî la têna 5 rey pêvînayîş kerd. No zî pê grevê vêşanîye 2019 de ame kerdene. 8 serranê peyênan de têna 5 pêvînayîşê merdimanê ci ameyî kerdene.

Avûkatan tewr peynî de 7ê tebaxa 2019î de û keyeyî 3ê adara 2020î de pêvînayîş kerd. Hîrê muwekîlê ma yê bînê ke 7 serrî yo Îmraliyî de ma heme çirey înan reyde pêvînayîş nêkerd. Têna hîrê rey merdimanê înan pêvînayîş kerd. Mehkemeya Heqanê Merdiman  a Ewropa û CPT vera tecrîd û binpaykerdişê heqanê zîndanan bivejîyê zî çirey zaf nêşî Tirkîya ser ke goreyê qanûnan têbigero. Ma nika Imraliyî qet xeberêke nêgenê. Şar qesewet keno.Ganî heme dezgehî semedê Abdullah Ocalanî wezîfeyê xo bîyarê ca.''