Avûkatanê Seba Demokrasî û Heqanê Merdiman ê Dinya (European Association of Lawyers for Democracy & World Human Rights-ELDH) nîsane de Komîteya Vergirewtişê Îşkenceyî (CPT) rê mektubêk şawitbi û waştbi ke wa CPT şoro Îmraliyî. 14ê êlule de ELDHyî seba pêvînayîşê bi Îmraliyî muracatê Wezîrîya Edaletî ya Tirkîya kerd.

Keyepelê The Brussels Timesî de Sekreterê Pêroyî yê ELDHyî Thomas Schmidtî derheqê tecrîdê vera Rayberê Şarê Kurdî Abdullah Ocalanî de qisey kerd.

Schmidtî vist vîrî ke Rayberê Şarê Kurdî ra agahîyêke nêna girewtene û 2019 ra nata avûkatê ci nêeşkenê ey bivînê. Schmidtî bale ante ser ke Komîsyonê Ewropa zaf reyî venga Tirkîya dayo ke wa raporanê CPTyî eşkera bikera..

Schmidtî dîyar kerd ke Temsîlkaro Berz ê Polîtîkayanê Teberî yê YE Borrell rewşa heqanê merdiman ê Tirkîya hol zaneno û vat: ''Seba başkerdişê şertanê Îmraliyî ganî o venga Tirkîya bido. Çunke pêvînayîşê avûkatan ameyo qedexekerdene. Ma venga selahîyetdaranê CPTyî danê ke wa tedbîran bigêro, qedexeyê pêvînayîşan wedarno. Tewr peyên di serrî verî CPT şîyo Îmrali. Ê rojan ra nata şerê Îmraliyî hîna bîyê giranêr. Ganî CPT reyna cade şoro Îmraliyî û derheqê zîyaretê xo de raporêkî amade bikero.''