Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Wezaretê Edaletî hema zî derheqê waştişanê tepişteyan de gamêke nêeşte. Sevîcane Yaşara ke di serrî verî rayberîya Leyla Guven de tewra greva vêşanîye bîye derheqê babete de ANFyî rê qisey kerd.

Sevîcane Yaşar vat: ''Grevê vêşanîye tim merg ano mi vîrî la belê çalakîkerê grevê vêşanîye seba cuye merg merg danê verê çimanê xo. Tepişteyê ke binê şert û mercanê giranan de yê xo wina îfade kenê. Armanco verên pawitiş û berdewamê cuye yo. Tepişteyî hewceyê paştdayîşê teberî yê. Ganî kes waştişê înan terorîze nêkero. Beno ke îqtîdar heta ke cira yeno hêrişê înan bikero la no nîşaneya rijîyayîşê îqtîdarî ya. Îqtîdar seba ke qels bîyo hêrişê tepişteyan keno. La ma heqdar û xurt ê.''

Sevîcane Yaşar ard ziwan ke tecrîd hînî vera Rayberê Şarê Kurdî Abdullah Ocalanî nê vera pêro kesan yeno caardene û vat: ''Eke şima nêeşkenê çîyêk bipawê no zî tecrîd o. Ma vînenê ke tecrîd sey polîtîkaya tênaverdayîşî şuxilîyeno. Tecrîd Îmraliyî ra vila bîyo. Ganî merdimî vera nayew bi qerardarî têbigêro.''

Sevîcane vist vîrî ke grevê vêşanîye binê şert û mercanê janî de dewam keno û vat: ''Tepişteyî zaf zehmetî ancenê. Beno ke netîceya grevî do giranêr biba.''