HDPyî vizêr qezaya Efelerî ya Aydinî de têhetameyîşê şarî organîze kerd. Hunermend Kadîr Çato ke tîya vejîya sehne seba ke deyîra kurdkî vate, ame destbendkerdene.

Çat gama ke sehne ra ame war cade ame destbendkerdene û ame berdene Mudirîya Asayîşî ya Aydinî. Kadîr Çat hema ke nêvejîyabi sehne zî hetê polîsan ra amebi tehdîtkerdene ke wa deyîranê sîyasîyan mevajo.

Kadîr Çat badê îfadeyî serbest ame veradayene. Çatî hesabê xo yê medyaya sanale ra da eşnawitene ke ameyo veradayene û vat seba ke deyîra Kemal Pîr û deyîra kurdkî vata ameyo destbendkerdene. Çatî vat: ‘’Huner do bêveng mebo û deyîra Kemal Pîrî ziwan ra bi ziwanî vila bo.’’