Zîndanê Bunyanî yê Kayserî de tepişte Hasan Kiliçî pêvînayîşê telefonî de keyeyê xo rê pare kerd ke seba ke bi kurdkî mektubêk nuşto bi îdîaya 'propagandaya rêxistine' cezaya hucreyî ya 11 rojan dîyaya ci.

Kiliçî da zanayene ke ey mektub Zîndanê Sêwrege de nuştbi, o çax derheqê ci de tehqîqat dîyabi destpêkerdene û seba ke cezaya ci ameya tesdîqkerdene Zîndanê Bunyanî de hucreyê yewkesî de tepişîyayo.

Kiliçî vat: ''Mi embazanê xo rê bi kurdkî mektubêk şawit. Îdareyî bi îdîaya 'propagandaya rêxistine' dest na ci ser. Çîyo ke mi mektub de nuştbi çarçewa azadîya fikran de yo. Mi zîndan de tepişteyan ser o skeç nuştbi. Skeç de seba yadkerdişê embazanê xo mi nuşteyêkê yadkerdişî nuşt. Skeç de seyrkerdoxî bi telefonî tewrê bernameyî benê. Bi bahaneya ke koxûşê ma de telefon est o, koxûş de cigêrayîş ame kerdene. O çax dest nîya mektubanê ma ser. Seba ke mi bi kurdkî mektub nuşto cezaya hucreyê yewkesî dîyaya ma.''