Tepişteyo nêweş Mehmet Emîn Çam (73) 16ê nîsane de Zîndanê Beşîrî de krîzê qelbî viyartibi û wedarîyabi Nêweşxaneyê Perwerde û Cigêrayîşî yê Êlihî. Çam tedawî ra dima ancî erşawîya zîndanî.

Avûkata ey Nezahate Celen muracatê Hakîmîya Înfazî ya Sêrtî kerd û waşt ke Çam seba nêweşîya xo ra binê rîskêkê pîlî de yo û ganî înfazê ci bêro taloqkerdene. Avûkate muracat  de raporê nêweşxaneyî zî pêşkêş kerd.

Çam de nêweşîyê damaran, tumor, felç ûsn est ê.

Avûkate Nezahate muracat de pare kerd ke goreyê Peymana Heqanê Merdiman a Ewropa û Mehkemeya Heqanê Merdiman a Ewropa tepişîyayîşê Çamî îşkence yo û ganî o vera bidîyo.