Seba wekîla verêne ya HDPyî cezaya zîndanî ameye waştene
Derheqê wekîla verêne ya HDPyî Çaglare Demîrel de çarçewa madeya 301. de cezaya zîndanî ameye waştene.
Derheqê wekîla verêne ya HDPyî Çaglare Demîrel de seba ke cergê DAÎŞî û îqtîdarê AKP-MHPyî rexne kerdê û tewra çalakîyan bîya dewa amebî akerdene.
Roniştişê dewa Mehkemeya Cezaya Girane ya Amedî de ame kerdene. Demîrele tewra roniştişî nêbîye la avûkatê ci Serdar Çelebî dewa de amade bi.
Dozgerîye waşt ke Demîrele goreyê madeya 301. ya Qanûnê Cezaya Tirkan bêra cezakerdene. Avûkatî seba pawitişî wext waşt.
Mehkeme waştiş qebul kerd û roniştiş taloqê 15ê teşrîna peyêne ame kerdene.
