Seba Xelatanê Rojnamegerîye yê Mûsa Anterî û Şehîdanê Çapemenîye muracatî dest pêkerdî. Musabeqeya ke qismanê “Xeberê Tirkî”, “Xeberê Kurdkî”, “Fotograf (Fotografê Xeberan), “Karîkator” û “Xeberanê Cinîyan” ra pê yena, do hetê rojnameyê Yenî Yaşamî ra bêro organîzekerdene. Netîceyî do menga êlule de bêrê eşkerakerdene.

Seba vîrardişê nuştox û roşinvîrê Kurdî Mûsa Anterî û xebatkaranê çapemenîye yê ke serê karî de cuya xo vînî kerda, serra 1993 ra heta nika her serre “Xelatê Rojnamegerîye yê Şehîdanê Çapemenîya Azade û Mûsa Anterî” yenê viraştene. Emser zî ziwanê musabeqeyî tirkî û kurdkî yê.

Her beşdarî tena eşkenê qismêk de û bi berhemêk musabeqe bikerê. Berhemê ke seba xelate ameyê şirawitene do reyna apey nêrê şirawitene. Beşdarî eşkenê berhemanê xo bi PTT yan zî kargo bieşrawê. Berhemê ke bi rayîrê posta yan zî kargo nêresê adrese mesuldarî aîdê wayîrê/a ci ya.

Beşdarî ganî heta 10ê êlule berhemê xo bierşawê.

Adresê ke beşdarî do berhemê xo bierşawê ci wina yê:

Web: yeniyasamgazetesi.com e-posta: [email protected]

Telefon: 0 212 252 83 99

Fax: 0 212 252 83 90

Adrese: Taxa Şehit Muhtar, Bekar Sokak No: 7/3 Beyoglu/Stenbol

Xelate emser ancî hetê rojnameyê Yenî Yaşamî ra yena dayene.