Hemsereka Pêroyî ya verêne ya DBPyî Sebahate Tuncel 4 serrî yo Zîndanê Kandira de tepişte ya. Sebahate Tuncel bire daye ke vera tecrîdkerdişê Rayberê Şarê Kurdî Abdullah Ocalanî dest pê grevê vêşanîye bikera. Tuncele do tewra koma 3. biba.

Verî zî heman zîndanî Wekîla verêne ya HDPyî ya Amedî Çaglare Demîrelî bi rayîrê keyeyê xo dabi zanayene ke o do dest pê grevê vêşanîye bikero.

Dima ke Çaglare û tay cinîyan ê tepişteyan dest pê grevî kerd gardîyanan eşt koxûşê Fîgene Yuksekdaf, Gultene Kişanak, Gulsere Yildirim, Aysele Tugluk, Sebahate Tuncel, Nurhayate Altun û Edîbe Şahîn ser û dest na hacetanê înan ser.

Mîyanê nê hacetan de waştişnameyê Sebahate Tuncel zî estbi ke Tuncele tede waşta ke Rayberê Şarê Kurdî Abdullah Ocalanî Zîndanê Îmraliyî ra bêro neqlkerdene û a do vera tecrîdî dest pê grevî bikera.