Mudirê Îstîxbaratê Leşkerî yê Iraqî Saad El Allakî  CNNî de pare kerd ke sercergê DAÎŞî nika kampanê Tirkîya de yê û eşkenê Tirkîya de newe ra xo rêxistin bikê û pere arê bidê.

Allakî îfade kerd ke wextê derbasbîyayîşî de komêka DAÎŞî ya rojhelatê Sûrîye remaye û nika herêma Dîlokî ya Tirkîya de ya. Cergê DAÎŞ sînorê Sûrîye-Tirkîya ra bi hetkarîya qaçaxçîyan derbazê nê herêmanê Tirkîya bîyî. Elaqî vat ke sercergî cara nika Tirkîya de yê û terorîstan perwerde kenê.

Saad El Allakî ard ziwan ke dosyayanê 9 sercergan de behsê operasyonanê pîlan zî yenê kerdene ke do dinya de bikê. Saad El Allakî vat beyanatê peyênî yê cergan mojnenê ke seba ke zîndanê Iraqî û Sûrîye ra biremê planan kenê. Allakî venga dewletan da ke vera na dewa tewirêk bimojnê çunke cergê DAÎŞî yê ke do abigêrê welatanê xo Ewropa, Rûsya û vakurê rojawanê Afrîka eşkenê reyna têbigêrê.