Îdarekarê Komeleya Kultur, Yewîye, Paştdayîş û Hetkarîya bi Keyeyanê ke Dergûşê Medenîyetî de Merdimê Xo Vînî Kerdî (MEBYA-DER) Abdulazîz Olçen pa 29 kesan Amed de amebi destbendkerdene. Roniştişê dewaya Olçenî Mehkemeya Cezaya Girane ya Amedî de ame kerdene.

Olçen û avûkatê ci Muhîttîn Muguç tewrê roniştişî bîyî. Olçenî da zanayene ke semedo ke 2 domanê ci merdî o beşdarê komele bi.

Dozgerî waşt ke Olçen 'endamîya rêxistine' ra cezaya zîndanî bigêro. Mehkeme roniştiş taloqê 14ê teşrîna verêne kerd.